Koronavirus pandemiyasına qarşı mübarizə tədbirləri çərçivəsində Nazirlər Kabineti yanında Operativ Qərargahın qəbul etdiyi qərarlara uyğun olaraq, Şəki rayonunun mədəniyyət müəssisələrində xüsusi karantin rejimi qaydalarının təmin olunması üçün profiklaktik tədbirlər davam etdirilir.

Bu məqsədlə M.F.Axundzadə adına Şəki şəhər Mədəniyyət Mərkəzinin tabeliyində fəaliyyət göstərən Baş Zəyzid kənd Sənətkarlıq evində sanitar-dezinfeksiya işləri aparılıb.

Eyni zamanda müəssisənin əməkdaşlarına gigiyena qaydalarına riayət edilməsinin, sosial məsafənin qorunmasının vacibliyi, ictimai yerlərdə tənəffüs yollarını qoruyan fərdi vasitələrdən, tibbi maskalardan istifadənin məcburiliyi izah olunub, tövsiyələr verilib.