Aprel ayında Azərbaycanın görkəmli oftolmoloq alimi, akademik Zərifə xanım Əliyevanın  həm anım həm də doğum günləri qeyd olunur. 20 aprel tarixində Qax rayon C.Cabbarlı adına Mərkəzi Kitabxanada Zərifə xanım Əliyevanın həm 95 illiyi, həm də xatirə günü münasibətilə “Nura qərq olan ömür” adlı xatirə gecəsi keçirildi. Kitabxanada Zərifə xanımın həyatını və həkimlik fəaliyyətini əks etdirən foto sərgi təşkil olunmuşdur. Tədbirdən öncə sərgiyə baxış keçirildi. Tədbiri giriş sözü ilə MKS-nin direktoru G.Əhmədova açdı. Kitabxananın əməkdaşı Gülər Əhmədova Zərifə xanımın həyat bioqrafiyasını əks etdirən “Gözlərə nur, qəlblərə səadət bəxş edən insan” adlı məruzə ilə çıxış etdi. Şairə S.Əfəndiyeva Zərifə xanımla bağlı xatirələrini söylədi.

Tədbirin sonunda şair Bəxtiyar Vahabzadənin Zərifə xanım Əliyevanın əziz xatirəsinə həsr olunmuş “Mərsiyə-rekviyemdən” parçalar səsləndirildi.