Azərbaycan kinosunun 120 və görkəmli Azərbaycan aktyoru Həsənağa Turabovun anadan olmasının 80 illik yubileyi münasibətilə 10 aprel 2018-ci il tarixində “Azərbaycan kinosu və kino inciləri” adlı dəyirmi masa keçirilmişdir. Tədbir Azərbaycanın görkəmli aktyoru İsmayıl Dağıstanlının xatirə muzeyində təşkil olunmuşdur. Tədbirdən öncə İsmayıl Dağıstanlının həyat və yaradıcılığını əks etdirən eksponatlara və  “Azərbaycan kinosu-120” və “Əfsanəvi Həsənağa Turabov” adlı sərgilərə baxış oldu. Tədbiri giriş sözü ilə muzeyin direktoru A.Zehirov açdı. Tədbiri Tədbirdə “Azərbaycan kinosunda azərbaycançılıq mövzusu”, “Azərbaycan kino inciləri - “Arşın mal alan” adlı məruzələr dinlənildi. Sonra ölməz aktyorumuz Həsənağa Turabovun sənətkarlıq fəaliyyətindən bəhs edən “Gəray bəy ömrü yaşayan sənətkar” və “ Əvəzolunmaz sənətkar” adlı çıxışlar dinlənildi. Tədbirdə MKS-nin direktoru G.Əhmədovanın, mədəniyyət işçisi Ş.Quliyevin, S.Əfəndiyevanın hər iki mövzuyla bağlı maraqlı müzakirələr aparıldı. Tədbirdə Azrəbaycan kinosunun inkişaf tarixi və Həsənağa Turabovun sənət fəaliyyəti haqqında video çarxlar nümayiş olundu.