Milli ruhumuzu və yaddaşımızı özündə əks etdirən ümumxalq bayramı Novruz Zaqatala rayonunda da böyük sevgi və ruh yüksəkliyi ilə qeyd olunub.

Bayram münasibətilə martın 20-də "Zaqatala qalası”nın ərazisindəki geniş meydanda ümumxalq şənliyi keçirilib.

Bayram tədbirində  Zaqatala Dövlət Rəsm Qalereyasının sərgisi təşkil olunub. Sərgidə baharın gəlişini, Novruz bayramını, əsrarəngiz təbiəti əks etdirən rəsm əsərləri yer alıb. Yerli və həvəskar rəssamların, gənclərin də əl işlərinin yer aldığı sərgiyə tədbirdə iştirak edən minlərlə zaqatalalı və şəhərin qonaqları baxış keçirib.