19 mart 2018-ci il tarixində M.F.Axundzadə adına Şəki şəhər Mədəniyyət Mərkəzinin tabeliyində  fəaliyyət  göstərən  İbrahimkənd  diyarşünaslıq  klubu  “Xoş gəldin Novruz” adlı  konsert proqramı ilə çıxış etmişdir.

Xalqımız  əsrlər boyu  Novruz  bayramını  əziz  tutub. Azərbaycanda hər il mart ayında qeyd edilən Novruz - baharın  gəlişi, təbiətin canlanması, torpağın oyanması ilə bağlıdır. Bu bayram insanlar arasında birlik və mehribanlığın möhkəmləndirilməsi, onların bir-birinə mərhəmət və diqqət göstərməsi kimi sağlam təməllər üzərində qurulub.

Qeyd etmək lazımdır ki, İbrahimkənd diyarşünaslıq klubu bu ən-ənələri davam etdirmək məqsədi ilə maraqlı konsert proqramı ilə çıxış etmişdir. Tədbirdə klub işçiləri və məktəbin şagird kollektivi iştirak etmişdirlər.

Novruz bayramının personajları olan Kosa və Keçəlin  oyunu tədbiri daha da şənləndirdi.

Tədbirdə məktəbin şagirdlərinin ifasında Novruza aid şeirlər, mahnılar və səhnəciklərlə nümayiş  etdirilmişdir.