Bayramlar... Onların bir çoxunu insanlar təbiət, cəmiyyət üzərində qələbələrini təsdiq etmək üçün yaradıblar. Lakin bu bayramlar sırasında elələri də var ki, taleyimiz kimi bizə təmannasız bəxş olunub. Xalqımızın belə böyük bayramlarından biri də Novruz bayramıdır. Əsrlərin sınağından çıxmış mənəvi dəyərlərimizi, adət-ənənələrimizi özündə yaşadan Novruz insanlar arasında birliyin və mehribanlığın möhkəmləndirilməsi, onların bir-birinə mərhəmət və diqqət göstərməsi kimi sağlam bir təməl yaratmışdır. Novruz bayramı sağlamlığın, firavanlığın başlanğıcıdır. Novruz başdan-başa ruh yüksəkliyi, əmək coşğunluğu, torpağa, insana məhəbbət bayramıdır.

Hər il olduğu kimi bu ildə qalereyada uşaq incəsənət məktəbinin rəssamlıq şöbəsində təhsil alan şagirdlərin rəsmlərindən ibarət “İlaxır-2018” adlı sərgi təşkil olundu. Sərgidə 215 rəsm nümayiş olundu. Bunlardan 111-i rəngarlıq, 104-ü qrafika idi. Şagirdlər Novruz bayramını rəsmlərində özünəməxsus şəkildə təsvir etmişdilər.

Qalereyanın qarşısında isə yerli rəssamların əsərlərindən ibarət sərgi nümayiş edildi.