26.02.2018
26 fevral 2018-ci il tarixdə Balakən rayon Mədəniyyət Mərkəzində “Xocalı harayı” başlığı altında ədəbi–bədii gecə keçirilmişdir. Tədbirdə rayon ictimaiyyəti, hüquq mühafizə orqanları, təhsil və səhiyyə işçiləri, idarə və təşkilatlar iştirak edirdi. Şəhidlərin ruhu bir dəqiqəlik sükutla yad edildikdən sonra Xocalı soyqırımı hadisələrini əks etdirən video çarx, daha sonra mədəniyyət işçiləri tərəfindən hazırlanmış səhnəciklər tamaşaçılara təqdim olundu, muğamlar və şeirlər səsləndirildi. Mədəniyyət Mərkəzinin foyesində rəsm dərnəklərinin üzvlərinin əl işlərindən ibarət “Xocalı dəhşətləri” adlı sərgi nümayiş olundu.