Çeşməli kənd Diyarşünaslıq klubunda Çeşməli kənd tam orta məktəbi ilə birlikdə Beynəlxalq Ana dili Gün və Bəxtiyar Vahabazadənin  anım gününə həsr olunmuş  “Doğma Ana dilim” mövzusunda ədəbi-bədii gecə keçrildi. İlk öncə Azərbaycan Dövlət Himni səsləndi. Tədbiri məktəbin direktoru Əhmədov Aqil müəllim açaraq tədbir iştirakçılarını salamladı və sözü məktəbin ədəbiyyat müəllimi Abdullayev Cəmil müəllimə verdi. Cəmil müəllim Ana dili haqqında geniş məruzə ilə çıxış etdi. Sonra məktəbin şagirdləri Ana dilinə, Vətənə həsr olunmuş şeirlər söyləyib, mahnılar və rəqs nömrələri ifa etdilər. Video çarx nümayiş olundu. Sonda klub müdiri Paşayeva Səyalı xanım tədbirə gələnlərə öz minnətdarlığını bildirdi.