25.12.2025
25 dekabr 2025-ci il tarixdə "Konstitusiya və Suverenlik İli" çərçivəsində Zaqatala rayon Heydər Əliyev Mərkəzində Balakən rayon Mədəniyyət Mərkəzinin təşkilatçılığı, MİHİ Balakən rayon Komitəsinin və Zaqatala rayon Heydər Əliyev Mərkəzinin dəstəyi ilə “Heydər Əliyev – Konstitusiyamızın və dövlət suverenliyimizin memarıdır!” başlığı altında ədəbi-bədii kompozisiya təqdim olunub.
Tədbir iştirakçıları əvvəlcə Heydər Əliyev Mərkəzinin qarşısında ucaldılan Ulu Öndər Heydər Əliyevin abidəsini ziyarət edərək abidə önünə gül dəstələri qoyublar.
Daha sonra Azərbaycan Respublikasının Dövlət Himninin səsləndirilib, Ulu öndər Heydər Əliyevin və Vətən uğrunda canlarından keçmiş şəhidlərin əziz xatirəsi bir dəqiqəlik sükutla yad edilib.
Tədbirdə çıxış edənlər Ulu öndər Heydər Əliyevin müasir Azərbaycan dövlətçiliyinin formalaşmasında, Azərbaycan Respublikası Konstitusiyanın qəbulunda və dövlət suverenliyinin möhkəmləndirilməsində oynadığı əvəzsiz roldan bəhs edib.
Balakən rayon Mədəniyyət Mərkəzinin əməkdaşları və bədii qiraət dərnəyinin üzvlərinin iştirakı ilə xalq şairi Zəlimxan Yaqubun “Əbədiyyət dastanı” poeması əsasında hazırlanmış ədəbi-bədii kompozisiya nümayiş etdirilib.
Kompozisiya Ulu Öndərin mənalı həyat yolunu, dövlətçilik tariximizdəki misilsiz xidmətlərini və xalqın yaddaşında əbədi yaşayan zəngin irsini bədii formada təqdim edib. Ulu Öndərin keçdiyi şərəfli həyat yolunu əks etdirən sənədli filmlərdən kadrlar nümayiş olunub.