17.02.2026
M.F.Axundzadə adına Şəki şəhər Mədəniyyət Mərkəzinin tabeliyində fəaliyyət göstərən Səməd Vurğun adına Folklor evi, Şəki şəhər 4 nömrəli Uşaq Musiqi məktəbi və Şəki şəhər 11 nömrəli tam orta məktəbin birgə təşkilatçılığı ilə Şəhərsalma və Memarlıq İli çərçivəsində "Azərbaycan memarlığı-keçmişdən gələcəyə" adlı tədbir keçirilib.
S.Vurğun adına Folklor evində keçirilən tədbirdə Şəki-Zaqatala Regional Mədəniyyət İdarəsinin əməkdaşları, mədəniyyət və təhsil işçiləri, şagirdlər və MİHİ Şəki şəhər Komitəsinin məsul şəxsləri, həmçinin şagirdlər iştirak edib.
İlk öncə Azərbaycan Respublikasının Dövlət Himni səsləndirilib, şəhidlərin əziz xatirəsi bir dəqiqəlik sükutla yad edilib.
Tədbir çərçivəsində ölkəmizin regionları və tarixi memarlığı haqqında fikirlər səsləndirilib, Şəki şəhər 4 nömrəli Uşaq Musiqi məktəbinin müəllimlərindən ibarət ansanblın ifasında rəngarəng musiqilər və şagirdlər tərəfindən rəqs nümunələri təqdim edilib. Hər bir region haqqında videoçarxlar nümayiş olunub.